Raksha Bandhan (ରକ୍ଷାବନ୍ଧନ) by Arshi Upasana Kar
On the special occasion of Raksha Bandhan (Odia: ରକ୍ଷାବନ୍ଧନ) listen to this short story written by Arshi Upasana Kar and presented by her elder sister.
ରଚନା: ତାପସ ରଞ୍ଜନ
ଉପସ୍ଥାପନା: ଇତିଶ୍ରୀ ନାୟକ
ପ୍ରେମ – ହୃଦୟ ପେଡ଼ିର କେଉଁ ନିଭୃତ କୋଣରେ କାହାପାଇଁ ସାଇତା ହୋଇ ମହ ମହ ବାସୁଥିବା ପବିତ୍ରତମ ଏକ ଅପ୍ରକାଶ୍ୟ ଭାବନା । କେବେ ସେ କଜ୍ଜ୍ୱଳର ଗାଢ଼ ପରଦାକୁ ଆଡ଼େଇ ଲାଜେଇ ଚାହେଁ, କେବେ ଥର ଥର ପ୍ରକମ୍ପିତ ଓଠରେ ଦୁଷ୍ଟାମିର ହସହୋଇ ଲୁଚିଯାଏ ତ ଆଉ କେବେ ଚିକ୍ ମିକ୍ ତାରାଫୁଲ ହୋଇ ଚମକୁଥାଏ ଘନକୃଷ୍ଣ କୁନ୍ତଳରେ । କେବେ ସେ ବସନ୍ତର ପହିଲି ଛୁଆଁ ହୋଇ ମନରେ ଅଜଣା ପୁଲକ ଖେଳାଏ ତ ପୁଣି କେବେ ଦିଏ ଝାଞ୍ଜିର ସନ୍ତାପିତ ବିରହ ବେଦନା । ପ୍ରତିବେଶୀ ମନ ଯେବେ ଝୁରିହୁଏ କାହାର ଉନ୍ମେଷ, କାହାର ଅନୁପସ୍ଥିତିରେ ଖୋଜୁଥାଏ ସାନ୍ନିଧ୍ୟର ନିବିଡ଼ ଆଶ୍ଳେଷ, ଅନାବନା ଖିଆଲରେ ସାଉଁଟୁଥାଏ ଶୋରିଷ କ୍ଷେତର ମହକ, କେବେ ଚେନାଏ ହସର ତରଙ୍ଗରେ ଭାସୁଥାଏ, କେବେ ଅସରାଏ ଲୁହରେ ଭିଜୁଥାଏ ତ ପୁଣି କେବେ ଆନମନା ଭାବନା ହୋଇ ଡେଇଁଯାଏ ଦୂର ଦିଗ୍ବଳୟ, ସେବେ କଳ୍ପନା ବୀଜର ଅଙ୍କୁରୋଦ୍ଗମ ଆଲୋକର ପ୍ରତୀକ୍ଷାରେ ଥାଏ – ପ୍ରେମ ହେଇଯାଏ !!
ମିଳନର ମହାର୍ଘ୍ୟ ମୁହୂର୍ତ୍ତକୁ ତିଳ ତିଳ ପ୍ରତୀକ୍ଷା କରୁଥିବା ପ୍ରେମ, କେବେ ଘୁରିବୁଲେ ପରୀ ରାଇଜରେ ତ କେବେ ଅନାବନା ସ୍ୱପ୍ନ ବୁଣେ ପ୍ରେମ ପାରାବାରେ । ପ୍ରିୟତମର ନିକଟତର ହେବାପାଇଁ କେବେ ଲଙ୍ଘିଯାଏ କଣ୍ଟକିତ ଗିରିପଥ, କେବେ ଅତିକ୍ରମୀ ଯାଏ ସାତ ସମୁଦ୍ରର ନୀଳ ଜଳରାଶି ତ କେବେ ପ୍ରେରଣ କରେ କାଳିଦାସର ଶୁଭ୍ର ମେଘଦୂତ ଶରତ ଆକାଶରେ । ତା’ ପାଇଁ କେବେ ନିରୋଳା ସ୍ନପ୍ନ ଟିକକ ପାଲଟିଯାଏ ବଞ୍ଚିବାର ଉପଜିବ୍ୟ ତ କେବେ ପ୍ରିୟତମ ସରାଗରେ ଭେଟି ଦେଇଥିବା କେଉଁ ପ୍ରେମ ସନ୍ତକ ! ଯେମିତି ଦିନେ ରାଜା ଦୁଷ୍ମନ୍ତ ପ୍ରଦତ୍ତ ରତ୍ନ ମୁଦି ସାଜିଥିଲା ଉପଜିବ୍ୟ ପ୍ରେମ ପାଗଳିନୀ ମେନକା ତନୟା ଶକୁନ୍ତଳା ପାଇଁ । ପ୍ରେମ ଆଶା ଭରେ, ଶୁଦ୍ଧ କରେ ମନକୁ, ହୃଦୟକୁ । କରୁଣାର ନିର୍ଝରିଣୀ ହୋଇ କୁଳୁ କୁଳୁ ବୋହୁଥାଏ ପ୍ରେମପୂର୍ଣ୍ଣ ହୃଦୟ ବିଥିକାରେ । ଫଗୁଣର ଫଲ୍ଗୁ ବିଛେଇ ରଙ୍ଗ ଭରେ ଜୀବନରେ ।
ପ୍ରେମ ହେବାକୁ ଦିଅନ୍ତୁ; ତାହାର କୌଣସି ନାଁ ଦିଅନ୍ତୁ ନାହିଁ । ନାମକରଣ କରି ପ୍ରେମକୁ ସମ୍ପର୍କରେ ବାନ୍ଧିରଖନ୍ତୁ ନାହିଁ । ଏହା ଏକ ମିଠା ଅନୁଭବ; ହୃଦୟ ଦେଇ ଏହାକୁ ଅନୁଭବ କରନ୍ତୁ । ପ୍ରେମକୁ ପ୍ରେମ ହିଁ ରହିବାକୁ ଦିଅନ୍ତୁ, କୌଣସି ନାଁ ଦିଅନ୍ତୁ ନାହିଁ…
ବିଗତ ବର୍ଷରେ ଆପଣମାନଙ୍କ ଅକୁଣ୍ଠିତ ସହଯୋଗ ପାଇଁ ଆମେ ଏ ବର୍ଷ ଏକ ସଂକଳ୍ପ ନେଇଥିଲୁ ଆଉ ସେହି ସଂକଳ୍ପ ଅନୁସାରେ ପ୍ରତି ମାସରେ ପ୍ରକାଶ କରିବାର ପ୍ରତିବଦ୍ଧତାକୁ ଆମେ ଦୋହରାଉଛୁ ଏ ବର୍ଷର ଏହି ଦ୍ଵିତୀୟ ସଂସ୍କରଣ ମାଧ୍ୟମରେ ।
ପ୍ରେମର ଏହି ଋତୁରେ ଆମର ଅଗଣିତ ପାଠକ ପାଠିକାମାନଙ୍କୁ ଅଶେଷ ଅଶେଷ ଭଲପାଇବା ସହ…
This podcast is now available on different podcast sites of Shubhapallaba like Ancho FM, Spotify, Google Podcast, Amazon Music, Audible, Breaker, Pocket Class, Radio Public, etc.
Podcast: Play in new window | Download
Author
ଇତିଶ୍ରୀ ନାୟକ
ଇତିଶ୍ରୀ ନାୟକ ପେଶାରେ ଜଣେ ଦୂରଦର୍ଶନ ସମ୍ୱାଦ ଉପସ୍ଥାପିକା, ଯିଏକି ଏବେ ନ୍ୟୁଜ୍ 7ରେ କାର୍ଯ୍ୟରତ । ପୂର୍ବରୁ ସେ ଇ-ଟିଭି ଓଡ଼ିଆ ଓ MBC TV ଭଳି ଚେନାଲ୍ରେ କାର୍ଯ୍ୟ କରୁଥିଲେ । ସେ ତାଙ୍କର ଫାଙ୍କା ସମୟରେ ଓଡ଼ିଆ ଭାଷାରେ ବିଭିନ୍ନ ପ୍ରକାରର ଗପ ଓ କବିତା ଆଦି ରଚନା କରନ୍ତି । ତାଙ୍କ ରଚିତ ଗପ ଓ କବିତାଗୁଡ଼ିକ ବିଭିନ୍ନ ପତ୍ରପତ୍ରିକାରେ ସ୍ଥାନ ପାଇ ପାଠକୀୟ ଆଦୃତି ଲାଭ କରିଛି ।
Previous episode
Similar episodes
Post comments (0)